THE PUBLIC POST
لاہور کے علاقے ڈیفنس میں پیش آنے والے کار حادثے میں چھ افراد کی موت کے کیس کی سماعت انسدادِ دہشت گردی عدالت میں کی گئی۔ ملزم افنان اور اس کے والد شفقت کی غیر حاضری پر عدالت نے ان کے وارنٹِ گرفتاری جاری کر دیے۔
عدالت نے ضامن کو بھی نوٹس جاری کرتے ہوئے حکم دیا کہ آئندہ پیشی پر ملزمان کو گرفتار کر کے پیش کیا جائے۔ کیس کی اگلی سماعت 22 اپریل تک ملتوی کر دی گئی ہے۔
استغاثہ کی طرف سے مقدمے کے گواہ عدالت میں پیش ہوئے۔ اس کیس کی سماعت اے ٹی سی کے جج شاہد سکندر نے کی، جبکہ مقدمہ تھانہ ڈیفنس سی پولیس میں درج ہے۔
