THE PUBLIC POST
کراچی کے علاقے لی مارکیٹ میں ایک افسوسناک واقعہ پیش آیا جہاں ایک شخص نالے میں گر کر جاں بحق
۔ ریسکیو حکام کے مطابق واقعے کی اطلاع ملتے ہی امدادی ٹیم فوری طور پر جائے وقوعہ پر پہنچی اور نالے میں گرنے والے شخص کو نکالا، تاہم وہ جانبر نہ ہوسکا۔
ریسکیو ذرائع کا کہنا ہے کہ جاں بحق ہونے والے شخص کی شناخت 32 سالہ یاسین ولد خدا بخش کے نام سے ہوئی ہے۔ لاش کو ضروری کارروائی کے لیے قریبی اسپتال منتقل کر دیا گیا ہے۔
واقعے کی وجوہات کے حوالے سے مزید تحقیقات جاری ہیں جبکہ اہل علاقہ نے ایسے کھلے نالوں پر حفاظتی اقدامات نہ ہونے پر تشویش کا اظہار کیا ہے۔
