حمیرا اصغر کی تدفین سے متعلق سید ذوالفقار علی شاہکا اہم بیان سامنے آگیا

صوبائی وزیر ثقافت و سیاحت سید ذوالفقار علی شاہ نے اداکارہ حمیرا اصغر کی تدفین کرانے کا فیصلہ کرلیا۔

سندھ کے وزیر سید ذوالفقار علی شاہ نے اس معاملے پر ایڈیشنل آئی جی کراچی سے رابطہ کیا ہے۔

حمیرہ اصغر موت، ہمارا اس سے کوئی تعلق نہیں، والد کا پولیس کو جواب

ان کا کہنا ہے کہ مرحومہ کے ورثاء اگر لاش وصول یا تدفین نہیں کرتے تو محکمہ ثقافت حمیرا اصغر کا وارث ہوگا۔

صوبائی وزیر نے ڈائریکٹر جنرل کلچر کو معاملے پر فوکل پرسن مقرر کردیا ہے۔

سیکریٹری ثقافت سندھ نے ڈی آئی جی ساؤتھ کو لاش حوالگی کے لیے خط لکھ دیا ہے۔

سید ذوالفقار علی شاہ کا کہنا ہے کہ حمیرا اصغر لاوارث نہیں سندھ حکومت محکمہ ثقافت وارث ہے۔ ان کی موت کا واقعہ افسوسناک اور دل دہلانے والا ہے۔

انہوں نے کہا کہ تدفین سمیت تمام مراحل محکمہ ثقافت کے ذمے ہوں گے۔ہماری پہلی کوشش ہے کہ والدین راضی ہوں اور لاش وصول کریں۔

ان کا یہ بھی کہنا ہے کہ پولیس کے تعاون سے اس معاملے پر محکمہ ثقافت اپنا بھرپور کردار ادا کرے گا۔