THE PUBLIC POST
کراچی کے علاقے قائدآباد سے اغواء کے بعد قتل ہونے والے نوجوان عثمان آفریدی کے کیس میں افسوسناک پیش رفت سامنے آئی ہے، پولیس کے مطابق مقتول کا قاتل اس کا قریبی دوست ہی نکلا ہے۔
پولیس کا کہنا ہے کہ ملزم نے 30 مارچ کو عثمان آفریدی کو نوری آباد کے علاقے میں فائرنگ کرکے قتل کیا اور شناخت چھپانے کے لیے لاش پر تیزاب بھی پھینکا۔ ابتدائی تحقیقات میں انکشاف ہوا ہے کہ ملزمان نے واردات کے بعد مقتول کی گاڑی فروخت کی اور حاصل ہونے والی رقم آپس میں تقسیم کرلی۔
پولیس حکام کے مطابق مرکزی ملزم کو گرفتار کر لیا گیا ہے جبکہ اس کے مزید تین ساتھیوں کی تلاش جاری ہے۔ واقعے کی مزید تحقیقات کی جا رہی ہیں۔
