کرک میں کامیاب آپریشن میں ہلاک خوارج کی فوٹیج منظر عام پر آگئی

سیکیورٹی فورسز کے کرک میں کامیاب آپریشن میں ہلاک کیے گئے خوارج کی فوٹیج منظر عام پر آگئی، درشہ خیل، کرک میں بھارتی اسپانسرڈ خوارج دہشتگردوں کے خلاف کامیاب آپریشن کیا گیا۔

سیکیورٹی ذرائع کا کہنا ہے کہ سیکیورٹی فورسز نے انتہائی پیشہ ورانہ مہارت سے دہشتگردوں کے ٹھکانے کو نشانہ بنایا، کامیاب آپریشن کے نتیجے میں 17 بھارتی اسپانسرڈ خوارج ہلاک کیے گئے۔

آج سے طالبان آگے اور پولیس ان کے پیچھے ہوگی، سینئر افسر بنوں پولیس

فوٹیج میں فتنہ الخوارج کے دہشتگردوں کو غار کی جانب بھاگتے دیکھا جا سکتا ہے، کرک میں آپریشن فتنہ الخوارج کے ملا نذیر گروپ کے خوارج کی موجودگی کی اطلاع پر کیا گیا، آپریشن میں 7 سے 10 خوارج کے زخمی ہونے کی بھی اطلاعات ہیں۔

سیکیورٹی ذرائع کا کہنا ہے کہ ہلاک فتنہ الخوارج کے دہشتگرد مختلف دہشتگردی کی کارروائیوں میں ملوث تھے، پاک فوج اور سیکیورٹی ادارے دہشتگردی کے ناسور کو ختم کرنے کے لیے پرعزم ہیں۔