THE PUBLIC POST
کراچی (پبلک پوسٹ )
کراچی میں جیکب آباد کے رہائشی ایک لڑکے کا ریبیز کے باعث انتقال ہو گیا ہے۔ دو ماہ قبل آوارہ کتے نے لڑکے کے ہاتھ اور ٹانگ پر کاٹا تھا،
جس کے بعد ریبیز کی علامات ظاہر ہو گئی تھیں۔ علاج نہ ہونے کے باعث بچے کو صرف درد کم کرنے والی دوائیں دی جاتی رہیں۔اسپتال حکام کے مطابق بچہ ایک روز قبل تشویشناک حالت میں اسپتال لایا گیا تھا، تاہم آج وہ دم توڑ گیا۔سندھ میں رواں سال اب تک ریبیز کے باعث 21 سے زائد اموات رپورٹ ہو چکی ہیں، جو اس مہلک بیماری کی شدت اور بروقت علاج کی اہمیت کو اجاگر کرتی ہیں۔ ماہرین کا کہنا ہے کہ کتے کے کاٹنے کے فوراً بعد ویکسین لگوانا اور مناسب طبی امداد فراہم کرنا زندگی بچانے کے لیے ضروری ہے۔
