THE PUBLIC POST
اسلام آباد پولیس کے ترجمان کے مطابق گزشتہ 24 گھنٹوں کے دوران مختلف کارروائیوں میں 28 ملزمان کو گرفتار کر لیا گیا۔
پولیس حکام کا کہنا ہے کہ گرفتار افراد کے قبضے سے بڑی مقدار میں غیر قانونی اسلحہ اور منشیات برآمد کی گئیں۔
ڈی آئی جی اسلام آباد نے اس حوالے سے بیان دیتے ہوئے کہا کہ غیر قانونی اسلحہ اور اس کی نمائش کے خلاف پولیس زیرو ٹالرنس پالیسی پر عمل پیرا ہے، جبکہ منشیات فروشوں کے خلاف خصوصی پولیس ٹیموں کی کارروائیاں بدستور جاری ہیں۔
