THE PUBLIC POST
کراچی میں اہم کارروائی کے دوران اینٹی نارکوٹکس فورس نے بھاری مقدار میں منشیات برآمد کر کے اسمگلنگ کی کوشش ناکام بنا دی۔
حکام کے مطابق کراچی پورٹ پر ایک کنٹینر کی تلاشی کے دوران 180 کلوگرام آئس (میتھ ایمفیٹامین) برآمد ہوئی، جسے افریقی ملک کیمرون بھیجا جا رہا تھا۔
بتایا گیا ہے کہ اسمگلروں نے منشیات کو استعمال شدہ کپڑوں (لنڈا) کی گانٹھوں میں مہارت سے چھپا رکھا تھا تاکہ سیکیورٹی چیکنگ سے بچا جا سکے۔
اے این ایف نے منشیات تحویل میں لے کر مقدمہ درج کر لیا ہے، جبکہ نیٹ ورک کے مرکزی کرداروں اور سہولت کاروں کی گرفتاری کے لیے تحقیقات کا دائرہ وسیع کر دیا گیا ہے۔
ذرائع کے مطابق برآمد ہونے والی آئس کی عالمی مارکیٹ میں قیمت کروڑوں روپے بتائی جا رہی ہے۔
