THE PUBLIC POST
وفاقی وزیر صحت مصطفیٰ کمال نے کہا ہے کہ میں مودی کا شکریہ ادا کروں گا کہ اس نے ایک ایڈونچر سے سب بدل دیا۔ 20 دن پہلے کا پاکستان اور آج کا پاکستان بالکل مختلف ہے۔
میڈیا سے گفتگو میں مصطفیٰ کمال نے کہا کہ پاکستان کو اللّٰہ نے عظیم الشان فتح دی ہے، پاکستان ہمیشہ امن چاہتا ہے۔
مصطفیٰ کمال کا دورہ آزاد کشمیر جاری، بھارتی جارحیت سے شہید راجہ شہپال کے گھر آمد
انہوں نے کہا کہ بھارت نے اسرائیل کے اُکسانے پر اتنا سب کچھ کیا، پاکستان نے کہا کہ پہلگام کے حملے کی تحقیقات کروائی جائیں، انڈیا نے پاکستان پر ڈرونز اور میزائل بھیجے۔
ان کا کہنا تھا کہ میں پاک فوج، نیوی اور فضائیہ کو سلام پیش کرتا ہوں، پاکستان کے لوگ کرائسز کے وقت ایک ہو جاتے ہیں، ایسا نہیں ہے کہ اختلافات ختم ہوگئے لیکن کوئی تو بات ہوگی جس پر سب متفق ہیں۔
