THE PUBLIC POST
کراچی کے علاقے ملیر سٹی گوشت مارکیٹ کے قریب ایک گھر سے نوجوان کی لاش برآمد ہوئی ہے۔
ریسکیو حکام کے مطابق جاں بحق ہونے والے شخص کی شناخت 22 سالہ ارحم ولد حبیب کے نام سے ہوئی ہے۔
پولیس کا کہنا ہے کہ لاش گھر کے اندر سے ملی، جبکہ ابتدائی معائنے میں اس کے ہاتھ بندھے ہونے کی اطلاعات سامنے آئی ہیں۔ واقعے کی نوعیت جاننے کے لیے مختلف پہلوؤں سے تحقیقات کی جا رہی ہیں۔
لاش کو قانونی کارروائی کے لیے اسپتال منتقل کر دیا گیا ہے، جبکہ پولیس نے شواہد اکٹھے کر کے واقعے کی مزید تفتیش شروع کر دی ہے۔ پولیس حکام کے مطابق حقائق سامنے آنے کے بعد مزید تفصیلات فراہم کی جائیں گی۔
