THE PUBLIC POST
کراچی کے علاقے بن قاسم میں پولیس نے کارروائی کرتے ہوئے پاکستان اسٹیل مل سے کروڑوں روپے مالیت کی 36,000 کلو وزنی مشینری کی چوری کی کوشش ناکام بنا دی۔
کارروائی کے دوران 6 ملزمان کو گرفتار کر لیا گیا، جن میں اسٹیل مل کا ایک ملازم بھی شامل ہے۔
ایس ایس پی ملیر عبدالخالق پیرزادہ کے مطابق ملزمان قیمتی مشینری کو لوڈ کر کے کباڑ خانے میں فروخت کرنے کے لیے لے جا رہے تھے۔ پولیس نے فوری طور پر واقعہ کا مقدمہ درج کر کے 22 ویلر ٹرک بھی تحویل میں لے لیا ہے۔
اس کامیاب کارروائی سے نہ صرف پاکستان اسٹیل مل کی قیمتی مشینری محفوظ رہی بلکہ ملزمان کے خلاف قانونی کارروائی بھی شروع کر دی گئی ہے۔
